Səudiyyə Ərəbistanı kralı Salman bin Əbdüləziz və vəliəhd şahzadə Məhəmməd bin Salman İran Prezidenti İbrahim Rəisidən ayrı-ayrılıqda məktublar alıblar.
"Operativ Məlumat Mərkəzi-OMM" xəbər verir ki, bu barədə Səudiyyə Ərəbistanı KİV-i məlumat yayıb.
Bildirilib ki, məktublarda ikitərəfli münasibətlərin inkişafı vurğulanıb.
Səudiyyə Mətbuat Agentliyinin məlumatına görə, məktublar İranın Ər-Riyaddakı səfiri Əlirza Enayat ilə görüş zamanı Səudiyyə Ərəbistanı xarici işlər nazirinin müavini Vəlid Əl-Xuraiciyə verilib.
Qeyd edək ki, 2016-cı ildə tərəflər arasında diplomatik əlaqələr kəsilib. Buna səbəb kimi səudiyyəli şiə ruhanisinin edamı və bunun ardınca Səudiyyə Ərəbistanının Tehrandakı səfirliyi və Məşhəddəki konsulluğuna hücumdur.
