Afət Ziyadqızı
İslam Respublikası uşaqları, yeniyetmələri və mülki şəxsləri elektrik stansiyalarına və həssas mərkəzlərə çağıraraq canlı qalxanlar yaradır.
“Operativ Məlumat Mərkəzi-OMM” xəbər verir ki, bu barədə "Iran International" məlumat yayıb.
Qeyd olunub ki, rejim bununla ABŞ və İsrailin potensial hücumlarının dəyərini artırmağa çalışır.
İslam Respublikasının hökumət və hərbi rəsmiləri ictimaiyyəti hava hücumlarına qarşı maneə kimi çıxış etməyə çağırıblar.
İdman və Gənclər Nazirliyinin gənclər işləri üzrə müavini Əlirza Rəhimi insanları 8 aprel çərşənbə axşamı günü ölkənin elektrik stansiyalarının ətrafında toplaşmağa səsləyib.
Bu kontekstdə İnqilab Keşikçilərinin komandiri Hüseyn Yekta İran Radio və Televiziyasında çıxış edərək valideynlərə birbaşa müraciət edərək uşaqların həssas bölgələrə göndərilməsini tələb edib.
O, "Uşaqları nəzarət məntəqələrinə göndərin ki, onlar kişi ola bilsinlər" kimi sözlərlə bu böhranda gənc nəslin istifadəsinin önəmini vurğulayıb.
SEPAH-ın Tehrandakı mədəniyyət işləri üzrə müavini Rəhim Nadali 12 və 13 yaşlı uşaqları rəsmi olaraq "İran naminə" layihəsinə qoşulmağa dəvət edib.
Azad İran Uğrunda Xristian Fəallar təşkilatı Birləşmiş Millətlər Təşkilatına təcili məktub göndərərək bu hərəkətləri Uşaq Hüquqları Konvensiyasının və silahlı münaqişələrdə uşaqların istifadəsini qadağan edən protokolların açıq şəkildə pozulması adlandırıb.
Canlı qalxanlardan istifadə strategiyası yalnız könüllülərlə məhdudlaşmır. Siyasi məhbusların və ikili vətəndaşlığı olanların vəziyyəti də son dərəcə narahatedicidir.
Trampın verdiyi son tarixə cəmi bir neçə saat qaldığı üçün Tehran diplomatik tədbirləri riskli "canlı qalxan" strategiyası ilə əvəz edir, mülki şəxslərin və uşaqların həyatını riskə atır, eləcə də ABŞ və İsrail hücumlarının insan itkisini artırır.
