Afət Ziyadqızı
ABŞ Hərbi Hava Qüvvələrinin Qərargah rəisi general Kennet Uilsbax İran əleyhinə həyata keçirilən “Epik Qəzəb əməliyyatı” (Operation Epic Fury) barədə geniş bəyanatla çıxış edib.
“Operativ Məlumat Mərkəzi-OMM” xəbər verir ki, bu barədə ABŞ Hərbi Hava Qüvvələrinin rəsmi resursları Mülki və Hərbi Aviasiya Assosiasiyasının (AFA) keçirdiyi “Hava, Kosmos və Kiber Konfransı”na istinadən məlumat yayıb.
Məlumata görə, 38 gün davam edən əməliyyat miqyas, dəqiqlik və sürət baxımından hərbi ekspertlər tərəfindən dərindən təhlil ediləcək. General bildirib ki, İranın raket və dəniz xarakterli PUA hücumları zamanı Yaxın Şərqdəki ABŞ Hərbi Hava Qüvvələrinin şəxsi heyəti 1 200 dəfədən çox “qırmızı həyəcan” (Alarm Red) rejiminə keçib. Döyüşlər gedişində bazalarda 48 uçuş-eniş zolağının bərpası və 420-dən çox patlamamış hərbi sursatın zərərsizləşdirilməsi əməliyyatı icra olunub.
General Uilsbax vurğulayıb ki, təxminən 500 döyüş təyyarəsindən ibarət aviaqrup ümumilikdə 10 min uçuş həyata keçirib və gündəlik 250-dən çox uçuş tempini qoruyub. Əməliyyat çərçivəsində İranın 13 mindən çox hərbi obyekt və hədəfi vurulub. Bütün bunlara baxmayaraq, İranın cavab zərbələri regiondakı ABŞ bazalarında qabaqlayıcı HHM hava hücumundan müdafiə (zəncirovarı raket) ehtiyatlarını böyük ölçüdə tükəndirib və əməliyyat logistikasına ciddi təsir göstərib.
Bildirilib ki, ABŞ HHQ sistemində “qırmızı həyəcan” hava hücumu ehtimalı və ya artıq başlaması zamanı elan edilir və şəxsi heyətin dərhal sığınacaqlara keçməsini tələb edir. Müharibənin mahiyyətinin dəyişdiyini deyən Uilsbax, bazaların yerüstü müdafiəsini gücləndirmək üçün yeni "Nöqtəvi Müdafiə Silah Sistemi"nin (Point Defense Weapon System) tətbiqinə başlanıldığını bəyan edib.
