Afət Ziyadqızı
İran İslam Respublikasının rəhbərliyi Ali Rəhbər Əli Xameneinin dəfn mərasimi ilə əlaqədar paytaxt Tehranın hava məkanını müvəqqəti olaraq uçuşlar üçün tamamilə bağlayıb.
“Operativ Məlumat Mərkəzi-OMM” xəbər verir ki, bu barədə İranın Mülki Aviasiya Təşkilatının rəhbəri və yol və şəhərsalma nazirinin müavini Hüseyn Purfərzanə məlumat verib.
Məlumata görə, İranın “IRIB” agentliyinin “Telegram” kanalında yayılan açıqlamada bildirilib ki, mərasim günü bütün mülki aviasiya reysləri dayandırılıb və paytaxt səması tam şəkildə uçuşlar üçün məhdudlaşdırılıb.
Bildirilir ki, uçuşların bərpası ilə bağlı qərar mərasim tədbirlərinin yekunlaşmasından sonra veriləcək.
Qeyd olunur ki, iyulun 3-ü səhər saatlarında Tehranda Əli Xameneinin vida mərasimi başlayıb. Mərhumun cənazəsi “Musalla İmam Xomeyni” dini kompleksinə gətirilib və yüzlərlə insanın iştirakı ilə vida mərasimi keçirilib.
Məlumata əsasən, daha sonra xarici ölkələrdən gələn rəsmi nümayəndə heyətləri üçün ayrıca protokol tədbiri təşkil olunub.
