"Çelsi" klubu "Atletik Bilbao"nun qapıçısı Unai Simonu transfer etmək imkanını nəzərdən keçirir.
"Operativ Məlumat Mərkəzi-OMM" xəbər verir ki, bu barədə İspaniya mətbuatı, konkret "Fichajes" məlumat yayıb.
"Zadəganlar"ın baş məşqçisi Maurisio Poçettino Simonun transferini şəxsən istəyir. O hesab edir ki, məhz Unai “Çelsi”nin hazırkı qapıçısı Robert Sançeslə güclü rəqabət apara bilər.
Unai Simon 2023/2024 mövsümündə La Liqada 11 matça çıxıb. 26 yaşlı qolkiper həm də İspaniya millisinin üzvüdür.
