İngiltərənin “Everton” komandası heyətini yeni futbolçu ilə gücləndirib.

"Operativ Məlumat Mərkəzi-OMM" Premyer Liqa klubunun rəsmi saytına istinadən xəbər verir ki, Liverpul təmsilçisi “Aston Villa”dan 21 yaşlı mərkəz yarımmüdafiəçisi Tim İroqbunamı transfer edib. Onunla üçillik müqavilə imzalanıb.

“Everton”un bu keçid üçün qarşı tərəfə 9 milyon funt-sterlinq ödədiyi bildirilib.

Qeyd edək ki, Tim İroqbunam ötən mövsüm “Aston Villa”nın heyətində Premyer Liqada 9 oyunda iştirak edib.

Azərbaycanın FIFA referisi Kamal Umudlu UEFA Konfrans Liqasına təyinat alıb.

"Operativ Məlumat Mərkəzi-OMM" xəbər verir ki, o, I təsnifat mərhələsində Albaniyanın "Vlazniya" və İslandiyanın "Valyur" klubları arasında keçiriləcək cavab oyununun baş hakimi olacaq.

Ona yan xətt hakimləri Namik Hüseynov və Vüsal Məmmədov kömək edəcəklər. Dördüncü hakim funksiyasını isə Tural Qurbanov yerinə yetirəcək.

Qeyd edək ki, iyulun 18-də Albaniyanın Şkoder şəhərindəki "Loro Boriçi" stadionunda keçiriləcək qarşılaşma Bakı vaxtı ilə saat 20:00-da başlayacaq.

Futbol üzrə Avropa çempionatının qrup mərhələsinin üçüncü turu çərçivəsində Gürcüstan və Portuqaliya milliləri üz-üzə gəlib.

"Operativ Məlumat Mərkəzi-OMM" xəbər verir ki, gərgin şəraitdə keçən oyunda gürcülər qərbi avropalıları məğlub edib – 2:0.

Oyunun 2-ci dəqiqəsində Kvitsa Kvaratsxeliya hesabı açıb.

Görüşün 57-ci dəqiqəsində Corc Mikautadze 11 metrlik cərimə zərbəsindən komandasının ikinci, qarşılaşmanın sonuncu qolunu vurub.

Futbol üzrə Avropa çempionatının qrup mərhələsinin üçüncü turu çərçivəsində Çexiya və Türkiyə milliləri üz-üzə gəlib.

"Operativ Məlumat Mərkəzi-OMM" xəbər verir ki, qarşılıqlı hücumlar şəraitində keçən oyunda türklər çexləri məğlub edib – 2:1.

Oyunun 51-ci dəqiqəsində Türkiyə millisinin kapitanı Hakan Çalhanoğlu hesabı açıb.

Qarşılaşmanın 66-cı dəqiqəsində Tomaş Souçek tarazlığı bərpa edib.

Qarşılaşmanın 90+4-cü dəqiqəsində Cenk Tosun komandasına qələbə qolunu qazandırıb.

Bununla da Türkiyə millisi Avropa çempionatının 1/8 final mərhələsinə yüksəlib.

Almaniyada təşkil olunan futbol üzrə Avropa çempionatında 1/8 final mərhələsinin cütləri müəyyənləşib.

"Operativ Məlumat Mərkəzi-OMM" xəbər verir ki, F qrupunda III turun oyunlarından sonra pley-offda üz-üzə gələcək komandalar dəqiqləşib.

Avropa çempionatı
1/8 final cütləri

Almaniya - Danimarka
Fransa - Belçika
İsveçrə - İtaliya
İspaniya - Gürcüstan
Portuqaliya - Sloveniya
Rumıniya - Niderland
Avstriya - Türkiyə
İngiltərə - Slovakiya

Qeyd edək ki, bu raundun qarşılaşmaları 29 iyun - 2 iyulda olacaq. AVRO-2024 iyulun 14-də başa çatacaq.

Report

Almaniyada keçirilən futbol üzrə Avropa çempionatının qrup mərhələsinin III turunun Ukrayna - Belçika görüşü başa çatıb.

"Operativ Məlumat Mərkəzi-OMM" xəbər verir ki, Ştutqartdakl "MHP Arena"da keçirilən matçda hesab açılmayıb.

Yekun nəticədən sonra hər iki komanda xallarının sayını 4-ə çatdırsa da, top sayında üstün olan Belçika qrupu ikinci sırada tamamlayaraq 1/8 finala vəsiqə qazanıb.