OMM Redaksiyası
İngiltərəli hücumçu Markus Reşford üçün iddiaçıların siyahısı genişlənməkdə davam edir.
"Operativ Məlumat Mərkəzi-OMM" xəbər verir ki, hazırda futbolçunun xidmətində daha bir Premyer Liqa təmsilçisi maraqlıdır.
Məlumata görə, müqavilə ilə "Mançester Yunayted"ə məxsus olan və hazırda icarə əsasında "Barselona"da çıxış edən vingerin Kataloniya klubu tərəfindən birdəfəlik alınacağı inandırıcı görünmür.
"Aston Villa" rəhbərliyi bu vəziyyəti diqqətlə izləyir. Transferin reallaşmasında şəxsən komandanın baş məşqçisi Unay Emeri maraqlıdır.
Xatırladaq ki, 28 yaşlı futbolçu 2024/25 mövsümünün ikinci yarısını icarə əsasında məhz "Aston Villa"da keçirmişdi.
Onun "Qırmızı şeytanlar"la qüvvədə olan müqaviləsi 2028-ci ilə qədər nəzərdə tutulub.
Məşhur "Transfermarkt" portalı isə oyunçunun transfer dəyərini 40 milyon avro olaraq qiymətləndirir.
