OMM Redaksiyası
Yəməndəki husilər şənbə günü Ər-Riyad və Səudiyyə Ərəbistanının neft obyektlərinə raket və pilotsuz uçuş aparatları ilə hücum etdiklərini açıqlayıblar.
Husilər Ər-Riyadda yerləşən “həssas” obyektlərin hədəfə alındığını bildiriblər. Səudiyyə Ərəbistanı isə paytaxta doğru atılan raketin hava hücumundan müdafiə sistemləri tərəfindən ələ keçirildiyini açıqlayıb.
“Reuters”in görüntülərində Ər-Riyad hava limanı yaxınlığında alov və böyük qara tüstü buludu görünüb. Lakin tüstü və alovun dəqiq mənbəyi dərhal müəyyən edilməyib.
Husilər, həmçinin Səudiyyənin əsas neft ixrac mərkəzlərindən biri olan Yanbudakı “Aramco” obyektinə hücum etdiklərini iddia ediblər.
Səudiyyə rəsmiləri Biş, Fərəsən, Taif və Yanbu şəhərlərinə yönəlmiş hücumların da qarşısının alındığını bildiriblər.
