ABŞ-nin Çikaqo şəhərindəki federal məhkəmə "Boeing" şirkətinin 2019-cu ildə Efiopiyada qəzaya uğrayan "737 MAX" təyyarəsində həlak olan BMT əməkdaşı Şikha Qarqın (Shikha Garg) ailəsinə 28 milyon dollardan çox təzminat ödəməsinə qərar verib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, tərəflər arasında əldə olunan razılaşmaya əsasən, Qarq ailəsi faizlə birlikdə ümumilikdə 35,85 milyon dollar alacaq, "Boeing" qərardan apellyasiya şikayəti verməyəcək.
Şirkətin açıqlamasında qeyd olunub ki, bu iddiaların əksəriyyəti razılaşma ilə nəticələnib, lakin ailələrin məhkəmədə təzminat tələbi irəli sürmək hüququ var və şirkət bu hüquqa hörmətlə yanaşır.
