"Barselona"nın yarımmüdafiəçisi Frenki de Yonq Səudiyyə Ərəbistanı çempionatına keçə bilər.
"Operativ Məlumat Mərkəzi-OMM" xarici KİV-ə istinadən xəbər verir ki, Ərəbistan klubları futbolçu ilə yaxından maraqlanırlar.
Hollandiyalı hələ də "blauqrana" ilə müqaviləni uzatmaq barədə razılığa gələ bilməyib. Hazırkı müqavilə 2026-cı ilin ortalarında başa çatır.
Səudiyyə Ərəbistanının adı açıqlanmayan iki klubu artıq de Yonqun agentləri ilə əlaqə saxlayıb və potensial alıcılar bu yay transfer üçün "Barselona"ya böyük məbləğ təklif etməyə hazır olduqlarını bildiriblər.
27 yaşlı yarımmüdafiəçi hələlik yekun qərarını verməyib.
