Afət Ziyadqızı
Ukrayna Silahlı Qüvvələrinin (AFU) Ali Baş Komandanı Aleksandr Sırski fransalı hərbi təlimatçıların Ukrayna ərazisində Ukrayna hərbçilərinə təlim keçməsinə icazə verən sənədləri imzalayıb.
"Operativ Məlumat Mərkəzi-OMM" xəbər verir ki, o, bu barədə "Telegram" kanalında yazıb.
Sırski bildirib ki, o, Ukraynanın müdafiə naziri Rustem Umerovla Fransa Silahlı Qüvvələri naziri Sebastyan Lekornu ilə videogörüş keçirib.
O, həmçinin Fransanın Ukrayna Silahlı Qüvvələrinə təlim keçmək üçün Ukraynaya təlimatçılar göndərmək təşəbbüsünü alqışlayıb.
"Mən artıq ilk fransız təlimatçılarına təlim mərkəzlərimizə baş çəkməyə, onların infrastrukturu və işçi heyəti ilə tanış olmağa imkan verəcək sənədləri imzalamışam", - deyə Sırski bildirib.
Onun sözlərinə görə, "Fransanın qətiyyəti digər tərəfdaşları da bu iddialı layihəyə qoşulmağa sövq edir".
