Filippinin cənub bölgələrində davam edən intensiv yağışlar ciddi fəsadlara yol açıb.
"Operativ Məlumat Mərkəzi-OMM" xarici KİV-ə istinadən xəbər verir ki, əlverişsiz hava şəraiti nəticəsində yaranan torpaq sürüşmələri insan tələfatı ilə nəticələnib.
Təbii fəlakət əsasən Davao de Oro və Davao Oriental əyalətlərini əhatə edib. Son məlumatlara görə, torpaq sürüşməsi nəticəsində azı 7 nəfər dünyasını dəyişib. Bölgədə axtarış-xilasetmə işləri davam etdirilir.
Yağıntıların miqdarı normadan artıq olduğu üçün ərazidə yeni sürüşmə riskləri hələ də qalmaqdadır.
Rəsmilər əhalini ehtiyatlı olmağa çağırıb.
