Avropa Şurasının prezidenti Antonio Kosta Ermənistanın Baş naziri Nikol Paşinyanı parlament seçkilərində “Vətəndaş Müqaviləsi” Partiyasının qələbəsi münasibətilə təbrik edib.
"Operativ Məlumat Mərkəzi-OMM" xəbər verir ki, bu barədə o, “X” sosial şəbəkə hesabında paylaşım edib.
Kosta bildirib ki, Ermənistan xalqı sülh, sabitlik və qonşularla daha güclü əməkdaşlığa əsaslanan gələcəyə səs verib.
“Əldə edilən nəticələrə görə Nikol Paşinyanı təbrik edirəm. Ermənistanın dayanıqlığının, sabitliyinin və rifahının gücləndirilməsindəki rolunuzla fəxr edə bilərsiniz”, - deyə o qeyd edib.
Avropa Şurası prezidenti həmçinin vurğulayıb ki, Ermənistan və Avropa İttifaqı arasında əməkdaşlıq daha da genişlənir.
Onun sözlərinə görə, tərəflər enerji, ticarət və rəqəmsallaşma sahələrində yeni imkanlar yaradır və bu əməkdaşlıq region üçün daha dinc və firavan gələcəyə töhfə verir.
