İran Parlamentinin sədri Məhəmməd Bağır Qalibaf ölkədəki etirazçılarla dialoq qurmağın vacib olduğunu düşünür.
"Operativ Məlumat Mərkəzi-OMM" xəbər verir ki, bununla bağlı "Mehr" xəbər agentliyi məlumat yayıb.
Qalibaf dialoqun vacib olduğunu, etirazçıların bütün tələblərinin qanuni olduğunu və iqtisadi sabitliyin bərpası üçün bütün səylərin göstərilməli olduğunu bildirib.
Məclis sədri hökumətin əhalinin narahatlıqlarını həll etməyə ciddi şəkildə sadiq olduğunu vurğulayıb.
O, planlaşdırılan tədbirlərin etirazçıların qanuni tələblərini təmin edəcəyinə ümid etdiyini də bildirib.
Eyni zamanda, Məhəmməd-Bağer Qalibaf xəbərdarlıq edib ki, ictimai təhlükəsizliyi və asayişi qorumaq üçün xarici kəşfiyyat xidmətləri ilə birbaşa və ya dolayı əlaqəsi olan və missiyası nümayişləri iğtişaşlara çevirmək olanlara qarşı təsirli tədbirlər görüləcək.
"İran tarix boyu çoxlu muzdlu əsgər və xain görüb, geniş kəşfiyyat və informasiya resurslarından istifadə olunmasına baxmayaraq, düşmən yenidən məğlub olacaq", - o əlavə edib.
