Ermənistanda sabiq nazir müavininin 40 milyon dollarlıq əmlakının müsadirəsi tələb olunur

Ermənistan prokurorluğu nəqliyyat və kommunikasiyalar nazirinin sabiq müavini Hayk Çşmarityanın təxminən 15,8 milyard dram (təxminən 39 milyon dollar) əmlakının müsadirəsini tələb edir.

"Operativ Məlumat Mərkəzi-OMM" Ermənistan KİV-ə istinadən xəbər verir ki, bu barədə qurumun mətbuat xidməti məlumat yayıb.

Məlumata görə, prokurorluq 7 daşınmaz əmlakın, 1 nəqliyyat vasitəsinin, 2 şirkətin səhmlərinin müsadirə edilməsi tələbini irəli sürüb.