İran İslam Respublikasına rəsmi səfəri çərçivəsində Ermənistanın müdafiə naziri Suren Papikyan İranın müdafiə və Silahlı Qüvvələrə Dəstək naziri briqada generalı Aziz Nasirzadeh ilə görüşüb.
"Operativ Məlumat Mərkəzi-OMM" xəbər verir ki, bu barədə “Armenpress” məlumat yayıb.
Məlumata görə, görüşdə Ermənistanın İran İslam Respublikasındakı fövqəladə və səlahiyyətli səfiri Grigor Hakobyan da iştirak edib.
Suren Papikyan sosial media hesabında bildirib ki, Ermənistan-İran müdafiə əməkdaşlığının səviyyəsi yüksək qiymətləndirilib, ikitərəfli münasibətlərin inkişafı üçün işlərin davam etdirilməsində qarşılıqlı əzm ifadə olunub və əməkdaşlıqla bağlı bir sıra məsələlər müzakirə edilib.
Görüş zamanı tərəflər regional və beynəlxalq təhlükəsizlik məsələləri ətrafında da fikir mübadiləsi aparıblar.
