Türkiyə Prezidenti Rəcəb Tayyib Ərdoğan ilə İranın ali rəhbəri Məsud Pezeşkian arasında telefon danışığı baş tutub.
"Operativ Məlumat Mərkəzi-OMM"-in məlumatına görə, bu barədə Türkiyə Prezidentinin mətbuat xidməti rəsmi açıqlama yayıb.
Məlumata əsasən, telefon danışığı zamanı Türkiyə–İran ikitərəfli münasibətlərinin mövcud vəziyyəti, eləcə də regionda artan hərbi gərginlik ətrafında fikir mübadiləsi aparılıb. Prezident Rəcəb Tayyib Ərdoğan bölgədə sabitliyin qorunmasının vacibliyini vurğulayaraq, gərginliyin azaldılması istiqamətində diplomatik səylərin əhəmiyyətinə diqqət çəkib.
Ərdoğan söhbət zamanı Türkiyənin İran və ABŞ arasında mövcud olan gərginliyin aradan qaldırılması məqsədilə vasitəçi rolunu üzərinə götürməyə hazır olduğunu bildirib. O qeyd edib ki, problemlərin dialoq və diplomatik yollarla həlli regional təhlükəsizlik baxımından mühüm əhəmiyyət daşıyır.
Türkiyə lideri, həmçinin bu gün Ankarada rəsmi səfərdə olan İranın xarici işlər naziri Abbas Araqçını qəbul etməyi planlaşdırdığını da diqqətə çatdırıb.
