Ekvador son 60 ilin ən pis quraqlıq dövrünü yaşayır.
"Operativ Məlumat Mərkəzi-OMM" xarici KİV-ə istinadən xəbər verir ki, 2 aydan çoxdur ki, xüsusilə, cənub regionunda yağışın yağmaması su elektrik stansiyalarının da fəaliyyətinə mənfi təsir edib.
Hökumət vəziyyətlə əlaqədar elektrik enerjisinə qənaət etmək məcburiyyətində qalır.
Son bir neçə gündür ki, paytaxt Kitoda axşamlar 2-4 saatlıq işıqların söndürüldüyü bildirilir. Rəsmilər ölkədə 1100 meqavatlıq enerji defisiti yarandığını deyiblər. Mazar su bəndində su səviyyəsi kritik həddə azalıb.
Quraqlıq Ekvadorda, eyni zamanda, meşə yanğınları ilə müşahidə olunur. Son bir neçə gündə yanan ərazilərin əhatəsi 31 min hektarı ötüb. Yanğın sahəsinin, təxminən, yarısı Peru ilə sərhəd olan Loxa vilayətinə daxildir.
