Əbu-Dabidə ABŞ-nin vasitəçiliyi ilə Rusiya və Ukrayna arasında danışıqların ikinci raundu keçirilib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Ukrayna Milli Təhlükəsizlik və Müdafiə Şurasının katibi və Kiyev nümayəndə heyətinin rəhbəri Rüstəm Umerov bildirib ki, Rusiya, ABŞ və Ukrayna arasında Əbu-Dabidə başlayan üçtərəfli danışıqlar ayrı-ayrı qruplar şəklində davam edəcək.
“Danışıqların növbəti mərhələsi Əbu-Dabidə başlayıb. Danışıqlar prosesi üçtərəfli formatda keçirilib. Daha sonra iş müəyyən ərazilərdə, ayrı-ayrı qruplarda aparılacaq və bundan sonra mövqelərin birgə sinxronlaşdırılması planlaşdırılır”, - o qeyd edib.
Qeyd edək ki, görüşün sabah da davam etdirilməsi planlaşdırılır.
