Duşan Vlahoviç Türkiyəyə köçə bilər: "Beşiktaş" hərəkətə keçib

İtaliyanın "Yuventus" klubunun heyətində çıxış edən serbiyalı mərkəz hücumçusu Duşan Vlahoviç komandadan ayrılmağa hazırlaşır.

"Operativ Məlumat Mərkəzi-OMM" xarici KİV-ə istinadən xəbər verir ki, gutbolçunun Turin təmsilçisi ilə olan müqaviləsinin müddəti iyun ayının sonunda başa çatır və tərəflər arasında yeni razılaşmanın əldə olunmaması onun sərbəst agent statusu ilə komandanı tərk etməsi ehtimalını artırır.

Ulduz futbolçunun xidmətində Türkiyənin "Beşiktaş" klubu maraqlıdır.

İstanbul təmsilçisinin rəhbərliyi Vlahoviçi heyətinə qatmaq üçün ciddi addımlar atır.

Mənbə qeyd edir ki, klub oyunçuya illik 5 milyon avro məvacib təklif etməyə hazırdır.

Qeyd edək ki, Duşan Vlahoviç "Yuventus"un heyətində keçirdiyi 168 matçda 68 qol vurub və 16 məhsuldar ötürmə ilə yadda qalıb.