Afət Ziyadqızı
ABŞ Prezidenti Donald Tramp sosial şəbəkədə süni intellektlə hazırlanmış görüntülər paylaşaraq diqqət çəkib.
“Operativ Məlumat Mərkəzi-OMM” xəbər verir ki, Tramp "Truth Social" hesabında paylaşdığı görüntülərdə özünü "Amerikanın xilaskarı" və "dünyanın müdafiəçisi" kimi təqdim edib.
Bildirilib ki, paylaşımlardan birində Trampın həyatının müxtəlif dövrlərini əks etdirən dörd fərqli şəkil yer alıb və üzərində "Amerikanı xilas edən adam" ifadəsi yazılıb. Digər görüntüdə isə onun arxa fonunda İran bayraqları və partlayış səhnələri təsvir olunub. Həmin paylaşımın üzərində "Dünyanın müdafiəçisi" sözləri yer alıb.
Məlumata görə, bu paylaşımlar Trampın İranla bağlı qərarlarının gündəmdə olduğu vaxta təsadüf edib. Belə ki, iyulun 25-də o, Hörmüz boğazında gəmiçiliyin təhlükəsizliyi ilə bağlı danışıqlar aparmaq üçün Oman nümayəndə heyətinin Tehrana səfəri fonunda İrana qarşı hərbi zərbələrin dayandırılması barədə göstəriş verib.
Qeyd olunub ki, hazırda bu qərarın müvəqqəti xarakter daşıyıb-daşımadığı və atəşkəsin davam edib-etməyəcəyi hələlik məlum deyil.
