Əli Məmmədli
Rusiya dondurulmuş aktivlərindən 1 milyard dolların Qəzza zolağının bərpası məqsədilə "Sülh Şurası"na (Board of Peace) yönəldilməsi təklifinə ABŞ-dən hələ rəsmi cavab almayıb.
"Operativ Məlumat Mərkəzi-OMM" Rusiya KİV-ə istinadən xəbər verir ki, bu barədə ölkə Prezidentinin mətbuat katibi Dmitri Peskov bu gün keçirilən brifinqdə məlumat verib.
"Rusiya Prezidenti tərəfindən belə bir təklif həqiqətən səsləndirilib. Hələlik cavab almamışıq."
O əlavə edib ki, Sülh Şurası mövzusu dövlət başçısının tapşırığına uyğun olaraq xarici işlər naziri tərəfindən müttəfiqlər və tərəfdaşlarla birlikdə işlənilir.
Qeyd edək ki, Ağ Ev Sülh Şurası liderlərinin ilk iclasını 19 fevralda Vaşinqtonda keçirməyi planlaşdırır. İclasın əsas mövzusu Qəzzada atəşkəsin möhkəmləndirilməsi və yenidənqurma işləri üçün vəsait toplanması olacaq.
