Danimarka Trampın Ukraynada cəbhə xəttində atəşkəslə bağlı təklifini dəstəklədi

Danimarkanın xarici işlər naziri Lars Lokke Rasmussen ABŞ Prezidenti Donald Trampın Ukraynadakı təmas xətti boyunca atəşkəs təklifini dəstəkləyib.

"Operativ Məlumat Mərkəzi-OMM" xəbər verir ki, bu barədə ''RİA Novosti'' məlumat yayıb.

“Biz Ukraynanı dəstəkləyirik və Amerika Prezidentinin təmas xəttində atəşkəslə bağlı təklifini dəstəkləyirik”,-o, Aİ xarici işlər nazirlərinin Lüksemburqda keçirilən görüşünə gələrkən jurnalistlərə bildirib.

Tramp daha əvvəl bəyan etmişdi ki, Rusiya və Ukrayna indiki cəbhə xəttində dayanmalıdırlar və daha sonra sülh müqaviləsi bağlanacaq. Ukrayna Prezidenti Vladimir Zelenski daha sonra jurnalistlərə açıqlamasında bu mövqeyi təkrarlayıb.