Çinin müdafiə naziri vəzifəsindən azad edilib

Bir müddət Çində ictimaiyyətə görünmədiyi üçün vəziyyəti maraq doğuran müdafiə naziri Li Şanqfu vəzifəsindən azad edilib.

"Operativ Məlumat Mərkəzi-OMM" xəbər verir ki, bu barədə Çinin yerli televiziyası CCTV məlumat yayıb.

Məlumata əsasən, müdafiə naziri Li Şanfu ilə bağlı qərar Çinin qanunverici orqanı olan Ümumçin Xalq Nümayəndələri Yığıncağı Mərkəzi Komitəsinin Pekində keçirilən sessiyasında qəbul edilib.

Komitə üzvləri səsvermədə Li-ni nazir vəzifəsindən uzaqlaşdırıblar. Li-ni kimin əvəzlədiyi isə hələlik açıqlanmayıb.