Böyük Britaniya və Kanada Avropa İttifaqının (Aİ) dondurulmuş Rusiya aktivlərindən Ukraynanı maliyyələşdirmək üçün istifadə etmək planına qoşulacaq.
"Operativ Məlumat Mərkəzi-OMM" xəbər verir ki, bu barədə ''Bloomberg'' mənbələrə istinadən məlumat yayıb.
Qeyd olunur ki, Avropa ölkələri Rusiya aktivlərinin ələ keçirilməsi mexanizmində kompromis əldə etməyə yaxındır. Agentlik qeyd edib ki, Böyük Britaniya daha əvvəl Rusiyanın 33 milyard dollarlıq aktivlərini dondurub.
Sentyabrın 30-da Avropa Komissiyasının sədri Ursula fon der Leyen Rusiyanın Avropada dondurulmuş suveren aktivləri hesabına maliyyələşdirilən Ukrayna üçün “reparasiya krediti”nin bir hissəsinin avropalı istehsalçılardan silah alınmasına xərclənəcəyini açıqlayıb.
