Cenevrəyə gələn Britaniya nümayəndə heyəti Ukrayna ilə bağlı danışıqlarda iştirak etməyəcək.
“Operativ Məlumat Mərkəzi-OMM” xəbər verir ki, bu barədə İnterfaks agentliyinin mənbəyə istinadən məlumat yayıb.
Daha əvvəl Cenevrədə Rusiya, ABŞ və Ukrayna arasında Ukrayna münaqişəsinin həlli ilə bağlı üçtərəfli danışıqların başladığı bildirilmişdi. Qeyd edək ki, tərəflər arasında üçüncü raund 17-18 fevral tarixlərində keçirilir. Rusiya nümayəndə heyətinə Prezidentin köməkçisi Vladimir Medinski rəhbərlik edir.
Üçtərəfli danışıqların əvvəlki mərhələsi 4-5 fevral tarixlərində Əbu-Dabi şəhərində baş tutub. Həmin görüşdə Rusiya nümayəndə heyətinə Silahlı Qüvvələrin Baş Qərargahının Baş İdarəsinin rəisi admiral İqor Kostyukov rəhbərlik edib.
