Böyük Britaniyanın xarici işlər naziri Devid Lammi Ukraynada təhlükəsizliyin gücləndirilməsini müzakirə etmək üçün Kiyevə gedib.
"Operativ Məlumat Mərkəzi-OMM" xəbər verir ki, bu barədə Ukraynanın Böyük Britaniyadakı səfiri Valeri Zalujnı məlumat verib.
"Biz gələcək əməkdaşlıq və Ukraynanın təhlükəsizliyini gücləndirmək üçün birgə layihələr haqqında danışacağıq", - Zalujnı qeyd edib.
Yanvarın 16-da Böyük Britaniyanın baş naziri Keir Starmer də Kiyevə səfər edib və burada Ukraynaya yeni mobil hava hücumundan müdafiə sisteminin təhvil verildiyini elan edib və hərbi dəstəyi artıracağına söz verib.
