Birləşmiş Millətlər Təşkilatı (BMT) İsrailin hücumları səbəbiylə sürətlə aclığa düçar olduğu bildirilən Qəzza zolağına humanitar yardımların girişinə qoyulan məhdudiyyətlərin aradan qaldırılmasına çağırıb.

"Operativ Məlumat Mərkəzi-OMM" xəbər verir ki, bu barədə BMT-nin Yaxın Şərqdə Fələstinli Qaçqınlara Yardım və İşlər üzrə Agentliyi (UNRWA) sosial media hesabında məlumat yayıb.

Sürətlə aclığa sürükləndiyi deyilən Qəzzanın şimalına konvoyların getməsinin qarşısı bir daha alındığı vurğulanıb.

Qəzzanın şimalının bölgədəki aclığın episentri olduğunu qeyd edilən açıqlamada ərzaq ehtiyatlarının təcili olaraq bölgəyə daxil olmasının vacibliyini qeyd edilib.

Belçika Ukraynaya 2-4 ədəd F-16 qırıcısı tədarük edə bilər.

"Operativ Məlumat Mərkəzi-OMM" xəbər verir ki, bu barədə “7sur7” internet poratlı məlumat yayıb.

“Lakin Baş nazir və müdafiə naziri yaxın gələcəkdə Ukraynaya tədarük edilə biləcək Belçika qırıcılarının sayını dəqiqləşdirməyiblər”, - məlumatda qeyd edilib.

Ötən gün Belçikanın müdafiə naziri Lyudivin Dedonder bildirmişdi ki, ölkəsi 2024-cü ilin sonuna qədər döyüş təyyarələrini Kiyevə tədarük etmək niyyətindədir. Onun sözlərinə görə, tədarük tarixləri ehtiyat hissələrinin, eləcə də ABŞ-dən sifariş edilən yeni təyyarələrin ölkəyə çatdırılmasından asılı olacaq.

Seysmoloqlar Sakit okeanda Kuril adaları yaxınlığında (Saxalin regionu) 4 maqnitudada zəlzələ baş verib.

"Operativ Məlumat Mərkəzi-OMM" TASS-a istinadən xəbər verir ki, bu barədə Rusiya Elmlər Akademiyasının Vahid Geofizika Xidməti Federal Tədqiqat Mərkəzinin Saxalin bölməsi məlumat yayıb.

Zəlzələnin episentri Malokurilskoye kəndindən (Şikotan adası) 34 kilometr cənubda 47 km dərinlikdə olub. Yeraltı təkanlar Kunaşir və Şikotan adalarında hiss olunub.

Sunami təhlükəsi elan olunmayıb.

Kubalılar ölkədə müşahidə olunan mütəmadi elektrik enerjisi kəsintiləri, ərzaq çatışmazlığı ilə yanaşı indi də nağd pul böhranı ilə üzləşiblər.

"Operativ Məlumat Mərkəzi-OMM"-in xəbərinə görə, paytaxt Havana sakinləri gündəlik ticarət və digər transaksiyaları edə bilmək üçün milli valyuta – peso tapmırlar.

Vəziyyətlə əlaqədar banklar və bankomatlar qarşısında saatlarla davam edən növbələr yaranıb.

Hökumət nağdsız hesablaşmanı asanlaşdırmaq üçün 2023-cü ildə MLC virtual pul vahidini təqdim etsə də, sakinlər mağazaların əksəriyyətinin elektron kard qəbul etmədiyindən şikayət edirlər.

Qeyd edək ki, Kuba yüksək inflyasiyanın müşahidə olunduğu ölkələrdən biridir. Burada ötən il inflyasiya 31 faiz təşkil edib.

İsrail hərbi komandanlığı Qəzza zolağı ilə cənub sərhədlərinə tanklar toplamağa başlayıb.

"Operativ Məlumat Mərkəzi-OMM" xarici KİV-ə istinadən xəbər verir ki, müşahidəçilər İsrail silahlı qüvvələrinin Rəfah şəhərini işğal etməyə hazırlaşdıqlarını bildiriblər.

İsrail hökuməti Rəfahı HƏMAS-ın sonuncu qalası adlandırıb.

Qəzza əhalisinin yarıdan çoxu – 1.4 milyona yaxın insan müharibədən qaçaraq Rəfaha sığınıb.

Qeyd edək ki, İsrail hərbi qüvvələri 6 aydan çoxdur ki, HƏMAS-a qarşı əməliyyatlar keçirir. Beynəlxalq təzyiqlərə baxmayaraq baş nazir Benyamin Netanyahu Rəfahı işğal edəcəklərinə və HƏMAS-ı tamamilə məhv edəcəklərinə and içib.

Amerika Birləşmiş Ştatları prezidentliyinə namizəd Donald Trampa qarşı onun pornoaktrisa Stormi Denielslə intim əlaqəsi haqqında məhkəmənin 2-ci həftəsi başa çatıb.

"Operativ Məlumat Mərkəzi-OMM" xarici KİV-ə istinadən xəbər verir ki, sonuncu iclasda Trampa qarşı şahidlər ifadə veriblər.

Onun keçmiş köməkçilərindən biri Rona Qraf Denielsi Trampın ofisinin yanında gördüyünü bildirib.

Amerikanın “National Inquirer” qəzetinin keçmiş müxbiri Deyvid Peker isə Trampa onun haqqında pis hekayələrin xəbərə çevrilməməsi üçün kömək etdiyini deyib.

O, Trampın prezident seçkilərində qalib gəlmə şansının artması üçün belə etdiyini ifadə edib.

Qeyd edək ki, iddialara görə, Tramp 2016-cı il seçkilərindən əvvəl Denielslə əlaqəsinin gizli saxlanılması üçün ona vəkili Maykl Koenin vasitəçiliyi ilə 130 min dollar ödəniş edib.

Nyu-York qanunlarına görə, belə bir ödəniş qanunsuz hesab olunmasa da, Trampın bu pulları hüququ xərclər adı altında qeydiyyata aldırması cinayətdir.

Tramp Denielslə heç bir əlaqəsinin olmadığını, ona qarşı açılan işlərin siyasi təqib olduğunu deyir.