Birləşmiş Millətlər Təşkilatının Ümumdünya Ərzaq Proqramı (ÜƏP ) ehtiyacı olanların hamısına ərzaq yardımı göstərmək üçün vəsaitin olmadığını açıqlayıb.
"Operativ Məlumat Mərkəzi-OMM" xəbər verir ki, bu barədə qurumun saytında məlumat verilib.
ÜƏP-ə görə, 2026-cı ildə 318 milyon insan kritik səviyyədə ərzaq təhlükəsizliyi ilə üzləşəcək. ÜƏP gələn il 110 milyon ac insana kömək etmək üçün 13 milyard dollar xərcləməyi planlaşdırır, lakin təhlillər göstərir ki, təşkilatın resursları son nəticədə bu rəqəmin yarısına kömək etmək üçün kifayət edə bilər.
"ÜƏP dəfələrlə sübut edib ki, erkən, effektiv və innovativ həllər həyatları xilas edə və dəyişə bilər, lakin bu həyati vacib işi davam etdirmək üçün daha çox dəstəyə ehtiyacımız var",- deyə ÜƏP-in baş direktoru Sindi Makkeyn bildirib.
