Biliç: İspaniyanın zəif nöqtələri var, onunla rəqabət apara bilərik

Xorvatiya millisinin baş məşqçisi Slaven Biliç UEFA Millətlər Liqasının qrup mərhələsinin ikinci turunda İspaniya ilə keçirəcəkləri oyun barədə danışıb.

“Həm hər bir futbolçu, həm də komanda bütövlükdə ən yüksək səviyyədə çıxış etsə, İspaniya ilə rəqabət aparmaq mümkündür. Onların da zəif nöqtələri var”, – Biliç UEFA-nın saytına açıqlamasında deyib.

O bildirib ki, İspaniya ilə bərabər səviyyədə oynamaq üçün Xorvatiya yığması da maksimum gücünü ortaya qoymalıdır: “Bizə möcüzə lazım deyil. Öz gücümüzə inam və keyfiyyətli oyun kifayətdir”.

Görüş sentyabrın 29-da Sevilyada keçiriləcək və Bakı vaxtı ilə saat 23:45-də başlayacaq.

Millətlər Liqasının ilk turunda İspaniya İngiltərəni 3:2 hesabı ilə məğlub edib. Xorvatiya isə Çexiyadan 2:1 hesabı ilə üstün olub.