OMM Redaksiyası
Xorvatiya millisinin yarımmüdafiəçisi Luka Modriç UEFA Millətlər Liqasının A Liqasının 3-cü qrupunda İspaniya ilə keçiriləcək 4-cü tur oyunu öncəsi İngiltərəyə 0:7 hesabı ilə uduzduqları matç barədə danışıb.
“Problem məğlubiyyətin özündə deyil, komandamızın yaratdığı görüntüdə idi. Baş verənlərdən, əlbəttə, qürur duymuruq. İspaniyanın bizi necə qiymətləndirəcəyini, bizə yuxarıdan baxıb-baxmayacağını bilmirəm. Amma əminəm ki, bir neçə gün əvvəl gördüyünüz Xorvatiya əsl Xorvatiya deyildi. Bunu dəyişmək niyyətindəyik”, – Modriç Globo-ya açıqlamasında deyib.
O, qarşıdakı görüşü komandanın özünü göstərməsi üçün yaxşı imkan adlandırıb. Modriçin sözlərinə görə, Xorvatiya dünya futbolunda niyə hörmət qazandığını sübut etmək istəyir.
“Məhz çətin vaxtlarda burada olmaq istəyirəm. Futbol yalnız yaxşı günlərdən ibarət deyil. Çətinliklərin öhdəsindən gəlməyi bacarmaq lazımdır. Bu ölkə üçün oynadığım üçün qürur duyuram”, – yarımmüdafiəçi əlavə edib.
Xorvatiya – İspaniya qarşılaşması oktyabrın 6-da keçiriləcək. Matç Moskva vaxtı ilə saat 21:45-də başlayacaq.
