OMM Redaksiyası
"Barselona" klubu müdafiə xəttini gücləndirmək üçün yeni mərkəz müdafiəçisi axtarışındadır.
"Operativ Məlumat Mərkəzi-OMM" xarici KİV-ə istinadən xəbər verir ki, Kataloniya təmsilçisinin əsas hədəfi Milanın "İnter" klubunda çıxış edən Alessandro Bastonidir.
Lakin oyunçunun yüksək transfer qiyməti bu keçidi xeyli çətinləşdirir.
İspaniya mətbuatının yaydığı məlumata görə, klub rəhbərliyi italiyalı müdafiəçi ilə danışıqların uğursuz olacağı təqdirdə ehtiyat variant hazırlayıb.
Bu məqsədlə İngiltərənin "Tottenhem" klubunun kapitanı Kristian Romero alternativ namizəd kimi nəzərdən keçirilir.
Argentinalı futbolçu daha əvvəl İspaniya çempionatında oynamaq istəyini dəfələrlə dilə gətirib.
Bundan əlavə, əgər London təmsilçisi Premyer Liqanı tərk edərsə, 28 yaşlı oyunçunun transfer qiymətində ciddi endirim ola bilər.
Hazırda "Transfermarkt" portalı Romeronun bazar dəyərini 50 milyon avro olaraq qiymətləndirir.
