Banqladeşin Rohinqa qaçqın düşərgəsində ötən gün güclü yanğın baş verib.
"Operativ Məlumat Mərkəzi-OMM" BBC NEWS -a istinadən xəbər verir ki, yanğın zamanı 2000 sığınacaq yanaraq külə dönüb. Ümumilikdə 12 min insanın evsiz qalması ilə nəticələnən yanğının baş vermə səbəbləri araşdırılır.
Yerli mətbuatın yaydığı xəbərə əsasən hadisə ilə bağlı bir nəfər saxlanılıb. Polis hadisənin təxribat olub-olmadığını araşdırır.
Ölən və yaralananlar barəsində məlumat verilməsə də yanğın zamanı 35 məscidin və 21 tədris mərkəzinin məhv olduğu bildirilib.
Qeyd edək ki, sözügedən düşərgənin dünyanın ən böyük məcburi köçkün düşərgəsi olduğu güman edilir
