Bakıda və bölgələrdə hava əsasən yağmursuz olacaq

Bakıda və Abşeron yarımadasında yaxın günlərdə hava şəraitinin dəyişkən buludlu olacağı, bəzi vaxtlarda tutulacağı, ümumilikdə isə yağmursuz keçəcəyi proqnozlaşdırılır.

Milli Hidrometeorologiya Xidmətinin "Operativ Məlumat Mərkəzi-OMM"-ə verilən məlumata görə, gecə və səhər saatlarında ayrı-ayrı ərazilərdə duman müşahidə edilə bilər.

Şimal-şərq küləyi günün ikinci yarısından etibarən mülayim şimal-qərb küləyi ilə əvəz olunacaq. Havanın temperaturu gecə saatlarında 3–6 dərəcə isti, gündüz isə 8–11 dərəcə isti təşkil edəcək. Atmosfer təzyiqinin 755 mm civə sütunundan 760 mm civə sütununa qədər yüksələcəyi, nisbi rütubətin isə 70–80 faiz arasında olacağı gözlənilir.

Azərbaycanın bölgələrində hava şəraitinin əsasən yağmursuz keçəcəyi bildirilib. Bununla yanaşı, gün ərzində bəzi ərazilərdə qısamüddətli yağıntılar mümkündür. Dağlıq rayonlarda qar yağacağı ehtimal olunur, ayrı-ayrı yerlərdə isə duman müşahidə edilə bilər. Qərb küləyi bəzi ərazilərdə arabir güclənəcək.

Rayonlarda havanın temperaturu gecə 2–7 dərəcə isti, gündüz 13–18 dərəcə isti olacaq. Dağlıq ərazilərdə gecə saatlarında temperaturun 2 dərəcə şaxtadan 3 dərəcəyədək isti, gündüz isə 10–15 dərəcə isti olacağı proqnozlaşdırılır.