OMM Redaksiyası
Milli Hidrometeorologiya Xidmətinin məlumatına görə, Bakıda və Abşeron yarımadasında fevralın 6-da hava şəraiti dəyişkən buludlu olacaq, zaman-zaman tutulma müşahidə ediləcək.
Bu barədə "Operativ Məlumat Mərkəzi-OMM"-ə Milli Hidrometeorologiya Xidmətindən məlumat verilib.
Gecə və səhər bəzi yerlərdə zəif duman və çiskin olacağı, axşam saatlarında isə yağış yağacağı gözlənilir. Mülayim cənub-şərq küləyi əsəcək. Havanın temperaturu gecə 1-3°C, gündüz 6-9°C isti olacaq. Atmosfer təzyiqi 767 mm civə sütunundan 764 mm civə sütununa enəcək, nisbi rütubət isə 75-85% təşkil edəcək.
Azərbaycanın digər rayonlarında hava əsasən yağmursuz keçəcək, bəzi yerlərdə arabir duman müşahidə olunacaq. Qərb küləyi əsəcək. Havanın temperaturu gecə 1-6°C, gündüz 7-10°C isti, dağlıq ərazilərdə gecə 3-8°C şaxta, gündüz isə 1-6°C isti olacaq.
Xüsusi olaraq, gecə və səhər saatlarında bəzi dağlıq rayonlarda yolların buz bağlama ehtimalı mövcuddur.
