Astara şəhərində bıçaqlanma hadisəsi baş verib.
"Operativ Məlumat Mərkəzi-OMM"-in əldə etdiyi məlumata görə, Astara şəhər 6 nömrəli məktəbin direktoru Ülviyyə Bayramova bıçaqlanıb.
Ülviyyə Bayramova ötən gün keçmiş işçisinin həyat yoldaşı tərəfindən bıçaqlanıb.
Ağır yaralanan direktor xəstəxanaya yerləşdirilib. Faktla bağlı araşdırma aparılır.
Əldə etdiyimiz məlumata görə, Ü.Bayramova keçmiş işçisi ilə mübahisəli olub. Onların arasında olan problem məhkəməyə kimi uzanıb. Məhkəmə prosesini Ülviyyə Bayramova qazanıb.
Hadisə də məhkəmədən bir neçə gün sonra baş verib.
