Azərbaycan cüdo üzrə gənclər arasında dünya çempionatına 14 idmançı ilə qatılacaq

Özbəkistanın paytaxtı Daşkənddə keçiriləcək cüdo üzrə gənclər arasında dünya çempionatı üçün Azərbaycanın ilkin heyəti açıqlanıb. Azərbaycan yarışda 14 idmançı ilə təmsil olunacaq: doqquz oğlan və beş qız.

Oğlanların yarışında Ayxan Mirzəzadə (60 kq), Məhəmməd Musayev (66 kq), Mehdi Abbasov və Cəsur İbadlı (hər ikisi 81 kq), Süleyman Şükürov və Aslan Kotsoyev (hər ikisi 90 kq), Davud Namazlı və Canpolad Əliyev (hər ikisi 100 kq), eləcə də Ramazan Əhmədov (+100 kq) qeydiyyatdan keçiblər.

Qızların siyahısına Nərgiz Əhmədova (48 kq), Aysun Məmmədova (52 kq), Xədicə Qədəşova və Vüsalə Hacıyeva (hər ikisi 57 kq), həmçinin Hanna Zaytseva (63 kq) daxil edilib.

Dünya çempionatının fərdi yarışları noyabrın 19-21-də keçiriləcək. Qarışıq komandaların mübarizəsi noyabrın 22-də təşkil olunacaq.