OMM Redaksiyası
“Arsenal”ın sabiq baş məşqçisi Arsen Venger FİFA prezidentliyinə namizədliyini irəli sürməyi nəzərdən keçirir. “The Athletic”in məlumatına görə, 77 yaşlı fransalı mütəxəssis bu həftə namizədliyini irəli sürüb-sürməyəcəyi ilə bağlı yekun qərarını verməlidir.
Vengerin mümkün rəqibi qurumun hazırkı prezidenti Canni İnfantino ola bilər. UEFA nümayəndələri və futbolda nüfuzlu digər şəxslər Vengeri seçkidə iştirak etməyə razı salmağa çalışırlar. Namizədlərin irəli sürülməsi üçün son tarix noyabrın 18-dir.
UEFA FİFA prezidentliyi postuna mümkün digər namizədlərlə də danışıqlar aparır. Seçki 2027-ci ilin martında keçiriləcək.
