OMM Redaksiyası
UEFA Millətlər Liqasının B Liqasının 3-cü qrupunda II turun qarşılaşması keçirilib. Vyanadakı “Ernst Happel” stadionunda Avstriya və Kosovo milliləri üz-üzə gəlib.
Şotlandiyalı baş hakim Nik Uolşun idarə etdiyi matçda Avstriya 3:1 hesabı ilə qalib gəlib.
Meydan sahibləri 23-cü dəqiqədə hesabı açıblar. Avstriya millisinin müdafiəçisi David Affenqruber fərqlənib. Çukvubuyke Adamu 45+2-ci dəqiqədə üstünlüyü iki topa çatdırıb.
Karni Çukvuemeka 61-ci dəqiqədə Avstriyanın üçüncü qolunu vurub. Kosovo 83-cü dəqiqədə penalti qazanıb və Edon Jeqrova komandasının qollarından birinin əvəzini çıxıb.
Qrupun ilk turunda Avstriya İsraili 3:1, Kosovo isə İrlandiyanı 1:0 hesabı ilə məğlub edib. Növbəti turda Kosovo səfərdə İsraillə, Avstriya isə İrlandiya ilə qarşılaşacaq. Hər iki oyun oktyabrın 1-də keçiriləcək.
