OMM Redaksiyası
Avstraliya Livanda əsas işlər görməyən diplomatlarını ölkəni tərk etməyə çağırıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Avstraliyanın XİN rəhbəri Penni Vonq bildirib ki, Xarici İşlər və Ticarət Nazirliyi Livanda vacib iş görməyən avstraliyalı diplomatlara təhlükəsizlik vəziyyətinin pisləşməsi səbəbindən ölkəni tərk etmələri barədə göstəriş verib:
"Avstraliyalılara konsulluq yardımı göstərmək üçün az sayda avstraliyalı işçi ölkədə qalacaq".
Penni Vonq həmçinin avstraliyalıları Livana səyahət etməməyə çağırıb.
Qeyd edək ki, Avstraliya hökuməti daha əvvəl İsrail və Birləşmiş Ərəb Əmirliklərində xidmət edən avstraliyalı diplomatlara da oxşar təlimatlar vermişdi.
