OMM Redaksiyası
Madridin "Atletiko" klubunun idman direktoru Mateu Alemani hücumçu Antuan Qrizmana əvəzləyici axtarışı ilə bağlı sualları cavablandırıb.
"Operativ Məlumat Mərkəzi-OMM" xəbər verir ki, klub rəsmisinin sözlərinə görə, Qrizmanı birbaşa əvəz etmək real deyil.
"Tamamilə eyni xüsusiyyətlərə malik oyunçu tapmaq sadəcə qeyri-mümkündür. Komandanın zərər görməməsi üçün alternativ variantlar axtarmalı olacağıq. Bu barədə artıq bəzi ideyalarımız var və planımız baş məşqçinin baxışları ilə üst-üstə düşür", – deyə Alemani vurğulayıb.
Hazırda Dieqo Simeonenin rəhbərlik etdiyi kollektiv İspaniya La Liqasının turnir cədvəlində dördüncü pillədə qərarlaşıb.
Qeyd edək ki, ulduz futbolçu artıq ABŞ-nin "Orlando City" komandası ilə müqavilə imzalayıb və fransız oyunçunun transferi gələn yay baş tutacaq.
