OMM Redaksiyası
“Arsenal”ın cinah hücumçusu Noni Madueke qış transfer pəncərəsində komandanı tərk etməyəcək.
"Operativ Məlumat Mərkəzi-OMM" “Football Insider” nəşrinə istinadən xəbər verir ki, baş məşqçi Mikel Arteta futbolçunun az oyun vaxtı almasına baxmayaraq, onun göndərilməsini istəmir və mümkün təkliflərin qarşısını almağa hazırlaşır.
Daha əvvəl “Atletiko” və “Yuventus” klublarının vingerlə maraqlandığı bildirilmişdi. Bununla belə, Arteta onun komandada qalmasını istəyir.
Maduekenin özü də “Arsenal”da qalaraq əsas heyətdə yer uğrunda mübarizə aparmaq niyyətindədir.
Futbolçu cari mövsümdə bütün turnirlərdə beş oyunda meydana çıxıb və bir qol vurub.
