“Arsenal” Dyökeresi bir şərtlə sata bilər – İDDİA

İsveçli hücumçu Viktor Dyökeres qış transfer pəncərəsində Londonun “Arsenal” klubundan ayrıla bilər.

"Operativ Məlumat Mərkəzi-OMM" “Caught Offside” nəşrinə istinadən yazır ki, Dyökeres komandasındakı rolundan narazıdır və qarşıdakı qışda klubdan ayrılmaq variantını nəzərdən keçirə bilər.

Hücumçu ilə “Milan”, “Yuventus”, “Əl-Əhli” və “Əl-İttihad” klublarının maraqlandığı qeyd olunur.

“Arsenal”ın əsas şərti

Məlumata görə, “topçular” yeni hücumçu transfer etmədən Dyökeresi satmaq istəmirlər.

Bu səbəbdən isveçli futbolçunun mümkün transferi klubun hücum xəttinə yeni oyunçu cəlb etməsindən asılı olacaq.

Dyökeresin mövsüm göstəriciləri

Dyökeres bu mövsüm bütün turnirlər nəzərə alınmaqla beş oyunda iştirak edib, lakin məhsuldar fəaliyyətlə yadda qalmayıb.

“Transfermarkt” portalının məlumatına əsasən, isveçli hücumçunun bazar dəyəri 65 milyon avro təşkil edir.