OMM Redaksiyası
MLS-in müntəzəm çempionatının oyununda “Atlanta Yunayted” öz meydanında “Sinsinnati”ni qəbul edib. Atlantadakı “Mercedes-Benz” stadionunda keçirilən qarşılaşma qonaqların 3:1 hesablı qələbəsi ilə başa çatıb.
Görüş Bakı vaxtı ilə oktyabrın 11-də saat 03:30-da başlayıb. İlk qolu 52-ci dəqiqədə “Sinsinnati”nin futbolçusu Denki vurub. 69-cu dəqiqədə Almiron hesabı bərabərləşdirib.
Qonaqlar 84-cü dəqiqədə Barlounun qolu ilə yenidən önə keçiblər. Denki 90+7-ci dəqiqədə dublunu rəsmiləşdirərək yekun hesabı müəyyən edib.
“Atlanta Yunayted”in rusiyalı yarımmüdafiəçisi Aleksey Mirançuk start heyətində yer almayıb. O, 56-cı dəqiqədə Acani Forçunun əvəzinə meydana daxil olub, lakin nəticəyə təsir edən qol və ya məhsuldar ötürmə ilə yadda qalmayıb.
