Afət Ziyadqızı
NASA fevral ayına planlaşdırılan “Artemis 2” kosmik gəmisinin ilk uçuşunu təxirə salıb.
"Operativ Məlumat Mərkəzi-OMM" xarici KİV-ə istinadla xəbər verir ki, bu barədə NASA-nın administratoru Cared İsaakman sosial mediada açıqlama verib.
Təxirə salmanın səbəbi iki mərhələli SLS super ağır raketində hidrogen sızmasının aşkarlanmasıdır.
İsaakman bildirib ki, uçuş mart ayında baş tutacaq.
Kosmik gəmi dörd astronavtı daşıyacaq və Aya fasiləsiz uçuş edəcək.
Qeyd olunur ki, NASA əvvəllər hava şəraiti səbəbindən 6 fevrala planlaşdırılan uçuşu təxirə salmış, əvvəlcə isə buraxılış 8 fevraya nəzərdə tutulmuşdu.
