Afət Ziyadqızı
Anapa Sənaye Kollecində tələbənin törətdiyi atışma nəticəsində ölümcül xəsarət alan mühafizəçinin xatirəsinə abidə ucaldılıb.
"Operativ Məlumat Mərkəzi-OMM" xəbər verir ki, bu barədə Anapa şəhərinin meri Svetlana Maslova TASS-a açıqlamasında məlumat verib.
Onun sözlərinə görə, təhsil müəssisəsində həlak olan mühafizəçinin şəkli quraşdırılıb və onun xatirəsi ehtiramla yad edilib. Şəhər rəhbəri bildirib ki, mərhum şagirdlər tərəfindən sevilən, mehriban və qayğıkeş insan olub.
Maslova əlavə edib ki, bu gün onun xatirəsi anılıb və ailəsinə lazımi dəstək göstəriləcək. “Bütün yardımlar təkcə yerli hakimiyyət orqanları tərəfindən deyil, həm də onun işlədiyi texniki məktəb və təhlükəsizlik şirkəti tərəfindən təmin olunacaq”, – deyə o vurğulayıb.
