Avropa İttifaqının (Aİ) Xarici Əlaqələr və Təhlükəsizlik Siyasəti üzrə Ali Nümayəndəsi Josep Borrel, fələstinlilər üçün yeni bir dövlət qurulmalı olduğunu, fələstinlilərin sürgün edilməsinə və Qəzzanın İsrail tərəfindən işğalına icazə verilə bilməyəcəyini bildirib.
"Operativ Məlumat Mərkəzi-OMM" xarici KİV-ə istinadən xəbər verir ki, Borrel, bu barədə Aİ-nin Xarici İşlər Nazirləri Toplantısının sonunda jurnalistlərə məlumat verib.
Bugünkü görüşdə Qəzzaya humanitar yardımın təcili çatdırılması zərurətinə diqqət çəkdiklərini bildirən Borrell, münaqişə bitdikdən sonra nə ediləcəyi və mümkün ssenarilər barədə də müzakirələr apardıqlarını bildirib.
"Biz fələstinlilər və israillilər arasında və bölgədə sülh üçün həll yolu tapmalıyıq. Biz həll yolu tapa bilmədik. Bu vəziyyətə görə, hər kəs indi bir həll ehtiyacının əvəzsiz olduğunu başa düşməlidir. Həll iki dövlətli gələcək olmalıdır”,- deyə Borrel qeyd edib.
