Ağ Evin rəsmi sosial media hesabında ABŞ Prezidenti Donald Trampın Qrenlandiya ilə bağlı ambisiyalarını əks etdirən maraqlı bir paylaşım edilib.
"Operativ Məlumat Mərkəzi-OMM" xəbər verir ki, süni intellekt vasitəsilə hazırlanan təsvirdə dövlət başçısının əlində ABŞ bayrağı tutan bir pinqvinlə birlikdə Qrenlandiyaya doğru irəlilədiyi görünür.
Paylaşımda "Pinqvini qucaqlayın" ifadəsi qeyd olunub.
Bu paylaşım Trampın Qrenlandiyanı satın almaq təklifi və bu çərçivədə adada yaşayan hər bir sakinə 1 milyon dollar ödənilməsi ilə bağlı müzakirələrə bir işarə kimi qiymətləndirilir. Sözügedən təsvir sosial media istifadəçiləri tərəfindən geniş maraqla qarşılanıb.
