Türkiyənin Fövqəladə Hallar və Təcili Yardım Rəhbərliyi (AFAD) Rəyasət Heyəti Türkiyənin İsrail-Həmas müharibəsindən sonra Fələstinə personal, tibbi ləvazimat, ədyal və ərzaq paketləri çatdırmağa davam etdiyini açıqlayıb.
"Operativ Məlumat Mərkəzi-OMM" xarici KİV-ə istinadən xəbər verir ki, bu barədə AFAD açıqlama verib.
AFAD-dan verilən açıqlamada Türkiyənin hər zaman hər şəraitdə məzlumun yanında olduğu, Fələstin xalqına humanitar yardım işləri çərçivəsində personal, tibbi avadanlıq, ədyal və ərzaq paketlərinin çatdırılmasının davam etdiyi bildirilib.
Son olaraq açıqlamada Milli Müdafiə Nazirliyinə məxsus 2 yük təyyarəsinin bu gün saat 10:10 və 12:20-də Ankara Etimesgut Hava Limanından havaya qalxdığı bildirilib.
