ABŞ ordusu İranın cənub-şərqinə zərbə endirib

ABŞ ordusunun İranın cənub-şərqində yerləşən Sistan-Bəlucistan əyalətinin Konarak rayonuna hava zərbəsi endirdiyi bildirilir.

"Operativ Məlumat Mərkəzi-OMM" xəbər verir ki, bununla bağlı İran dövlət televiziyası məlumat yayıb.

Bildirilib ki, bölgə üzərində ABŞ-yə məxsus döyüş təyyarələri müşahidə olunub.

Konarak rayonunda partlayış səsləri eşidilib.

Hadisə ilə bağlı hələlik nə İran, nə də ABŞ rəsmiləri tərəfindən rəsmi açıqlama verilməyib.